​Azərbaycan Respublikasının Prezidenti İlham Əliyev 2025-ci il dövlət büdcəsinin icrası haqqında qanunu təsdiqləyib.
​Postxronika.az  xəbər verir ki, ötən il dövlət büdcəsinin gəlirləri 39 milyard 184,6 milyon manat təşkil edib. Bu göstərici əvvəlki illə müqayisədə 5,4 faiz, proqnozlaşdırılanla müqayisədə isə 2,2 faiz çoxdur.
​Hesabat dövründə büdcənin xərcləri 38 milyard 604,6 milyon manat olub ki, bu da illik müqayisədə 2,4 faiz çox, proqnozla müqayisədə isə 6,8 faiz azdır.
​İl ərzində dövlət büdcəsində 580 milyon manat və ya ÜDM-in 0,45 faizi həcmində profisit yaranıb. Profisitə səbəb daxilolmalar üzrə proqnozun artıqlaması ilə yerinə yetirilməsi, həmçinin büdcə təşkilatlarının öz xərclərini proqnozlaşdırılandan 2 milyard 803 milyon manat az icra etməsidir.