İyulun 16-da polis əməkdaşları tərəfindən ölkə ərazisində uğurlu əməliyyat və axtarış tədbirləri həyata keçirilib.

​Postxronika.az Daxili İşlər Nazirliyinə istinadən xəbər verir ki, keçirilən tədbirlər nəticəsində ailə üzvlərini məlumatlandırmadan yaşadığı ünvanı tərk etdiyinə görə itkin düşmüş kimi axtarışda olan 6 nəfər tapılaraq aidiyyəti üzrə təhvil verilib.

​Bundan başqa, polis əməkdaşlarının keçirdikləri digər əməliyyat tədbirləri ilə dələduzluq əməlinə görə axtarışda olan 10 nəfər saxlanılaraq istintaqa təhvil verilib.