İyulun 28-də Rusiya Federasiyasının Prezidenti Vladimir Putin Azərbaycan Respublikasının Prezidenti İlham Əliyevə telefonla zəng edib.

​Postxronika.az xəbər verir ki, söhbət zamanı ikitərəfli və beynəlxalq gündəliyə dair aktual məsələlər müzakirə olunub. Liderlər Azərbaycan-Rusiya əlaqələrinin konstruktiv xarakter daşıdığını, hökumətlər və müvafiq strukturlar xətti ilə fəal dialoqun davam etdirildiyini vurğulayıblar.

​Telefon danışığı əsnasında tərəflər qarşılıqlı faydalı əməkdaşlığın daha da genişləndirilməsində maraqlı olduqlarını bir daha təsdiqləyiblər.