Azərbaycanın minifutbol üzrə U-23 milli komandası yoxlama oyununda Qazaxıstanın müvafiq yaş qrupundan ibarət yığmasını 2:0 hesabı ilə məğlub edib.
Postxronika.az Azərbaycan Minifutbol Federasiyasına istinadən xəbər verir ki, iyulun ilk həftələrindən hazırlıq keçən Rəcəb Fərəczadənin baş məşqçi olduğu seçmə komandamız Bakı toplanışında olan rəqibini üstələməyi bacarıb.
Hər iki kollektiv oktyabr ayında Xorvatiyada təşkil olunacaq dünya çempionatına hazırlıq məqsədilə qarşılaşıb.
Qeyd edək ki, oktyabrın 7-də start götürəcək mundialda Azərbaycan millisi B qrupunda Kolumbiya, Slovakiya və İraq yığmaları ilə mübarizə aparacaq.