ABŞ Prezidenti Donald Tramp və İsrailin Baş naziri Benyamin Netanyahu arasında təxminən 3 saat davam edən qapalı görüş keçirilib.
Postxronika.az xəbər verir ki, Ağ Ev rəhbəri sosial media hesabında müzakirələrin olduqca səmərəli keçdiyini və strateji müttəfiqliyin yüksək səviyyədə olduğunu bildirib.
Tərəflər regiondakı mövcud vəziyyəti, xüsusilə İranla bağlı məsələləri ətraflı şəkildə nəzərdən keçiriblər. Tramp qeyd edib ki, rəsmi Tehranla yeni bir nüvə sazişinin əldə olunması onun üçün prioritet seçimdir. O, İran administrasiyasını danışıqlarda daha məsuliyyətli mövqe nümayiş etdirməyə çağırıb. Görüşdə həmçinin Qəzza zolağındakı humanitar vəziyyət və Yaxın Şərqdə davamlı sülhün bərqərar olması istiqamətində atılacaq addımlar müzakirə edilib.