Ağsu Rayon Polis Şöbəsinin əməkdaşları narkotik vasitələrin qanunsuz dövriyyəsinə qarşı uğurlu əməliyyat tədbiri həyata keçiriblər.
Postxronika.az xəbər verir ki, daxil olmuş məlumat əsasında keçirilən tədbirlər zamanı əvvəllər məhkumluq həyatı yaşamış 29 yaşlı Orxan Niftullayev şübhəli şəxs qismində saxlanılıb. Araşdırma zamanı həmin şəxsdən ümumilikdə 9 kiloqrama yaxın marixuana və həşiş aşkar edilərək maddi sübut kimi götürülüb.
​İlkin dindirmə zamanı saxlanılan şəxs qeyd olunan narkotik maddələri satış məqsədilə əldə etdiyini və onları paytaxt Bakıya çatdırmaq niyyətində olduğunu etiraf edib. Hazırda faktla bağlı cinayət işi başlanılıb və hadisənin təfərrüatlarının tam müəyyənləşdirilməsi istiqamətində istintaq hərəkətləri davam etdirilir.