Set MakFarleyn məşhur komediya franşizası ''The Naked Gun'' filminin mümkün davamı ilə bağlı açıqlama verib. Keçən yay kinoteatrlarda nümayiş olunan ''reboot'' (seriyanın sıfırdan ərsəyə gətirilməsi) versiyada baş rolu Liam Neeson ifa edib və o, Frank Drebin Jr. obrazını canlandırıb. Filmdə həmçinin Pamela Anderson və Paul Ualter Hauser də rol alıblar. Layihə klassik komediya seriyasının dördüncü filmi hesab olunur və franşiza ilk dəfə 1988-ci ildə ekranlara çıxıb.

Postxronika.az xəbər verir ki, MakFarleyn mümkün davam filminin çəkilib-çəkilməyəcəyinin hələlik məlum olmadığını bildirib. Onun sözlərinə görə, aktyor heyəti və yaradıcı komanda yeni filmin çəkilməsində maraqlıdır, lakin qərar əsasən studiya rəhbərliyindən asılıdır. ''Reboot'' versiya ötən ilin avqustunda nümayiş olunub və qlobal kassada təxminən 102 milyon dollar gəlir əldə edib. Film eyni zamanda komediya və parodiya janrının müasir kinoteatrlarda hələ də tamaşaçı cəlb edib-etməyəcəyini göstərən bir sınaq kimi də qiymətləndirilib.

Layihənin rejissoru Akiva Şaffer olsa da, o daha əvvəl verdiyi müsahibədə hazırda davam filmi üzərində planların olmadığını söyləmişdi. Bununla belə, ssenaristlər Dan Qreqor və Douq Mand gələcək hekayə ideyaları üçün qeydlər aparmağa başladıqlarını bildiriblər. Ekspertlər hesab edir ki, studiyanın strateji qərarları və şirkət dəyişiklikləri filmin mümkün davamının taleyinə təsir göstərə bilər.