Meqqi Qillenhaal yeni filmi ''The Bride!'' üçün baş qəhrəmanların vizual obrazlarını necə formalaşdırdığını açıqlayıb. Rejissor bildirib ki, layihə üzərində işləyərkən 1935-ci ildə çəkilmiş ''The Bride of Frankenstein'' filmini yenidən izləyib və oradakı gəlin obrazının cəmi bir neçə dəqiqə görünməsi onun marağına səbəb olub. Bu sual rejissoru həmin personajın daxili dünyasını və düşüncələrini araşdırmağa sövq edib. Film 1930-cu illərin Çikaqosunda cərəyan edir və hekayədə ''Frankeinstein''in bədheybəti özünə yoldaş yaratmaq üçün alimdən kömək istəyir.

Postxronika.az xəbər verir ki, ekran əsərində gəlin obrazını Cessi Bakli, Frankeinstein obrazını isə Kristian Beyl canlandırır. Qillenhaal bildirib ki, obrazların görünüşü həm simvolik, həm də real təsir bağışlamalı idi. Onun sözlərinə görə, Bakli filmdə demək olar ki, eyni paltarı geyinir və bu geyim zaman keçdikcə köhnəlir, ləkələnir və cırılır ki, obrazın real həyat hissi güclənsin. Rejissor Beylin canlandırdığı canavarın da həm qorxulu, həm də mümkün qədər real görünməsini istədiyini qeyd edib.

Kristian Beyl isə layihə ilə ilk tanış olanda ssenarini uzun müddətdən sonra oxuduğu ən cəsarətli və qeyri-adi işlərdən biri adlandırıb. Aktyor həmçinin studiya rəhbərlərinin layihəni dəstəkləməsini yüksək qiymətləndirərək bunun kinonun böyük ekranda yaşaması üçün vacib addım olduğunu deyib. Bale Gyllenhaalın rejissorluğunu da xüsusi vurğulayaraq onun çox güclü və fərqli baxışa malik kino müəllifi olduğunu bildirib.