Süni intellekt texnologiyaların aqrar sahədə tətbiqi mühüm əhəmiyyət kəsb edir.

Postxronika.az xəbər verir ki, nazir 2020-ci ildən fəaliyyət göstərən Elektron Kənd Təsərrüfatı İnformasiya Sisteminin şəffaflığı artırdığını, yeni "Aqrar Süni İntellekt" layihəsinin isə qərarvermə prosesini daha dəqiq edəcəyini vurğulayıb.

Layihə çərçivəsində torpaq, iqlim və peyk məlumatlarını emal edən 30-dan çox xüsusi modul vasitəsilə bitki inkişafı, xəstəlik riskləri və məhsuldarlıq proqnozları hazırlanacaq. Toplanan analitik bazalar vahid rəqəmsal platformada birləşdirilərək mobil tətbiqlər vasitəsilə birbaşa fermerlərin istifadəsinə veriləcək. Bu innovativ yanaşma sayəsində sahənin idarəedilməsi ənənəvi təcrübədən tamamilə məlumat əsaslı proqnozlaşdırma modelinə keçid edir. Məcnun Məmmədovun sözlərinə görə, texnoloji yeniliklər Azərbaycanın regionda rəqəmsal mərkəzə çevrilməsi strategiyasına xidmət edərək kənd təsərrüfatının səmərəliliyini maksimuma çatdıracaq.