İranın xarici işlər naziri Abbas Əraqçi ABŞ və İsrailin hərbi müdaxilələrinə qarşı mübarizə dövründə göstərdiyi dəstəyə görə Pakistan xalqına və hökumətinə minnətdarlığını ifadə edib.

Postxronika.az xəbər verir ki, nazir "X" sosial şəbəkəsindəki paylaşımında rəsmi İslamabadın nümayiş etdirdiyi qətiyyətli mövqeni yüksək qiymətləndirib. Nazir ölkəsinin suverenliyini və ərazi bütövlüyünü qorumaq yolunda Pakistanın bu mənəvi yardımını "müqəddəs həmrəylik" nümunəsi kimi xarakterizə edib.

​Əraqçi həmçinin vurğulayıb ki, Tehran öz torpaqlarını istənilən təcavüzdən müdafiə etməyə tam hazırdır. O, bu çətin günlərdə göstərilən diplomatik dəstəyin regional sabitlik üçün əhəmiyyətini qeyd edərək İranın yalnız öz gücünə və ilahi dəstəyə arxalandığını bildirib. Pakistan tərəfinin bu addımı regiondakı müsəlman ölkələri arasında hərbi gərginlik fonunda yaranan nadir birlik mesajlarından biri kimi dəyərləndirilir.