Rusiyadan İrana göndərilən növbəti humanitar yardımı daşıyan yük maşınları sərhəddən keçib.
Postxronika.az xəbər verir ki, yeddi yük maşınından ibarət olan bu qatar 140 tondan çox zəruri ləvazimatı qonşu ölkəyə daşıyıb. Şimal-Cənub nəqliyyat dəhlizi vasitəsilə hərəkət edən avtomobillər müvafiq gömrük yoxlanışından keçdikdən sonra mənzil başına yola salınıb.
Bundan əlavə, günün erkən saatlarında 31 vaqondan ibarət xüsusi qatar da dəmir yolu sərhəd məntəqəsindən keçid edib. Ümumi çəkisi 300 tondan artıq olan bu yükün əsas hissəsini tibbi preparatlar və dərman vasitələri təşkil edir. Beləliklə, Rusiya həm quru, həm də dəmir yolu vasitəsilə İrana genişmiqyaslı yardımların ötürülməsini təmin edib.
