Tanınmış aktrisa Lili Reynhart çəkiliş meydançasında rejissor tərəfindən məruz qaldığı xoşagəlməz rəftardan bəhs edib. Sənətçi müsahibəsində şəxsi hisslərinə toxunan bir xatirəsini bölüşüb.

Postxronika.az xəbər verir ki, çəkiliş zamanı rejissor aktrisaya yaxınlaşaraq səssizcə qarnını bir az içəri çəkməsini tapşırıb. Bu sözlər sənətçinin həmkarları tərəfindən kəskin etirazla qarşılanıb. Reynhart həmin şəxsin kimliyini gizli saxlasa da, bu iradın ona ciddi mənəvi təsir etdiyini vurğulayıb. O, uzun müddətdir bədən dismorfiyası və qidalanma pozğunluğu ilə mübarizə apardığını bildirib.

Ulduz "Riverdale" serialının altıncı mövsümünün çəkilişləri zamanı çəki aldığını və bunun psixoloji gərginliyi artırdığını etiraf edib. O, həmin dövrdəki görüntülərinə baxmağın hələ də çətin olduğunu qeyd edib. Sənətçinin sözlərinə görə, iş prosesində fikirləri daim xarici görünüşündəki dəyişikliklərə fokuslanıb. Reynhart bu cür hadisələrin aktyorların ruh halına mənfi təsir göstərdiyini bildirib. O, bədən görünüşünə görə edilən təzyiqlərin qəbuledilməz olduğunu diqqətə çatdırıb.