Milli Hidrometeorologiya Xidməti aprelin 13-ü üçün hava proqnozunu açıqlayıb.
Postxronika.az xəbər verir ki, paytaxt Bakıda və Abşeron yarımadasında dəyişkən buludlu hava şəraiti müşahidə olunacaq. Gündüz saatlarında əsasən yağmursuz hava şəraiti gözlənilir, lakin gecə və axşam saatlarında bəzi yerlərdə yağış yağacağı ehtimalı var.
Bakıda şimal-qərb küləyi arabir güclənəcək, gün ərzində isə mülayimləşəcək. Havanın temperaturu gecə 8-10°, gündüz 11-14° isti olacaq. Atmosfer təzyiqi 759 mm civə sütunundan 763 mm civə sütununa yüksələcək, nisbi rütubət isə 65-75% təşkil edəcək.
Azərbaycanın regionlarında isə hava şəraiti daha qeyri-sabit olacaq. Bir çox rayonlarda arabir yağıntılı hava şəraiti gözlənilir, xüsusən dağlıq ərazilərdə yağıntının qara keçəcəyi ehtimal edilir. Ayrı-ayrı yerlərdə yağıntıların intensiv xarakter alacağı, şimşək çaxacağı və dolu düşəcəyi proqnozlaşdırılır. Bəzi yerlərdə arabir duman müşahidə olunacaq.
Havanın temperaturu düzən rayonlarda gecə 6-10°, gündüz 12-16° isti, dağlıq ərazilərdə isə gecə 1° şaxtadan 4°-dək isti, gündüz 4-7° isti təşkil edəcək. Mülayim qərb küləyi gün ərzində ayrı-ayrı yerlərdə arabir güclənəcək.