"The Legend of Zelda" video oyununun canlı-aksiyon adaptasiyasının əsas çəkiliş mərhələsi rəsmən başa çatıb. Sony tərəfindən CinemaCon tədbirində elan edilən bu xəbər dünya miqyasında milyonlarla pərəstişkarın böyük marağına səbəb olub. Rejissor Ves Bollun rəhbərliyi ilə ərsəyə gələn ekran əsəri məşhur franşizanın kino aləminə ən iddialı addımlarından biridir.
Postxronika.az xəbər verir ki, layihənin prodüserləri arasında ''Nintendo''nun əfsanəvi siması Şigeru Miyamoto və Avi Arad yer alır. Las-Veqasda keçirilən təqdimatda filmin istehsalat prosesinin uğurla tamamlandığı və premyerasının 7 may 2027-ci ilə təyin edildiyi bildirilib. Baş rolları canlandıran gənc aktyorlar Bo Braqason və Benjamin Evan Einsvort müvafiq olaraq Şahzadə Zelda və Link obrazlarını canlandıracaqlar. ''Sony'' nümayəndələri video oyun adaptasiyalarının studiya üçün strateji prioritet olduğunu xüsusi vurğulayıblar.
Bu təşəbbüs ''Nintendo''nun "Super Mario" filmləri ilə qazandığı qlobal maliyyə uğurlarının davamı hesab olunur. Dörd onillik ərzində 180 milyondan çox nüsxəsi satılan orijinal oyun seriyası ssenarinin möhkəm təməlini təşkil edir. Artıq istehsalat işləri yekunlaşan bu kinosəfər tamaşaçılara vizual effektlərlə zəngin bir dünya vəd edir. Pərəstişkarlar sevilən qəhrəmanların böyük ekrandakı macəralarını səbirsizliklə gözləyirlər.