ABŞ Prezidenti Donald Tramp Vaşinqton və Tehran arasında yeni saziş imzalanmayacağı təqdirdə İrana qarşı hərbi müdaxilələrin yenidən başlaya biləcəyini bildirib. 

Postxronika.az xəbər verir ki, bu barədə dövlət başçısı atəşkəs rejiminin uzadılması ilə bağlı jurnalistlərin suallarını cavablandırarkən danışıb. O, mövcud blokadanın qüvvədə qalacağını və razılıq əldə edilmədiyi təqdirdə bombardmanların bərpa ediləcəyini vurğulayıb.

Ağ Ev rəhbəri çərşənbə günü başa çatacaq müvəqqəti barışığın müddətini uzatmaya biləcəyinə dair xəbərdarlıq edib. Hazırda tərəflər arasında gərginlik davam edərkən, hərbi əməliyyatların bərpası ehtimalı beynəlxalq ictimaiyyətin diqqət mərkəzindədir. Siyasi ekspertlər bu bəyanatın regiondakı sabitliyə təsirini yaxından izləyirlər.