Dünya kinosunun "qorxu ustası" kimi tanınan Alfred Hiçkokun həyatı ilə bağlı hər kəsi təəccübləndirən maraqlı faktlar məlum olub. "Psycho" və "The Birds" kimi klassik ekran əsərləri ilə tamaşaçıları vahiməyə salan rejissorun özü tamamilə fərqli bir obyektdən qorxurmuş. Sənətkarın bu qəribə fobiyası onun mürəkkəb daxili dünyasının gizli tərəflərini işıqlandırır.

Postxronika.az xəbər verir ki, əfsanəvi kinorejissorun ən böyük qorxusu adi toyuq yumurtası olub. Hiçkok 1963-cü ildə italyan jurnalistə verdiyi müsahibədə yumurtaların onda ikrah hissi doğurduğunu və ciddi ovofobiyadan əziyyət çəkdiyini etiraf edib. O, yumurta sarısının dağılmasını qan görməkdən daha dəhşətli hesab etdiyini və ömrü boyu bu qidanın dadına baxmadığını bildirib. Maraqlıdır ki, məşhur sənətçi eyni zamanda hündürlükdən və polis əməkdaşlarından da ciddi şəkildə ehtiyat edirdi.

Rejissorun "The Birds" filmini çəkməsinə baxmayaraq, onun qanadlı canlılara qarşı əslində böyük rəğbəti var idi. O, ekran əsərində quşların insanlardan qisas almasını ssenari baxımından tamamilə ədalətli addım hesab edirdi. Digər bir maraqlı məqam isə Hiçkokun heç vaxt öz yaradıcılıq nümunələrinə baxmaması ilə bağlıdır. Dahiyanə işləri ilə milyonları titrədən dahi rejissor öz əsərlərinin onda yaratdığı qorxuya dözə bilməyəcəyini qeyd edirdi. Bu ziddiyyətli xüsusiyyətlər onun dünya kino tarixinə niyə "mistik dahi" kimi düşdüyünü bir daha sübut edir.