Azərbaycan Premyer Liqasının XXIX turu çərçivəsində keçirilən ölkə derbisində “Qarabağ” səfərdə “Neftçi”yə qalib gəlib.
Postxronika.az xəbər verir ki, “Palms Sports Arena”da baş tutan qarşılaşma Ağdam təmsilçisinin 5:1 hesablı parlaq qələbəsi ilə başa çatıb.
Görüşdə “Qarabağ”ın heyətində Musa Qurbanlı dubl edib, digər qolları isə Montiel, Leandro Andrade və Emmanuel Addai rəqib qapısından keçiriblər. “Neftçi”nin təsəlli qoluna müdafiəçi Elvin Bədəlov imza atıb.
Bu qələbədən sonra xallarını 59-a çatdıran “Qarabağ” turnir cədvəlinin ikinci pilləsində mövqeyini möhkəmlədib. “Neftçi” isə 44 xalla 5-ci yerdə qərarlaşıb.