Daxili İşlər Nazirliyinin (DİN) Mətbuat Xidmətindən daxil olan məlumatlara əsasən, mayın 2-si və 3-də ölkə boyu keçirilən əməliyyat tədbirləri nəticəsində 95 cinayət faktının üstü açılıb.

Postxronika.az Daxili İşlər Nazirliyinə istinadən xəbər  verir ki, müxtəlif hüquqpozmalara görə axtarışda olan, o cümlədən borclu qismində tanınan ümumilikdə 80 nəfər müəyyən edilərək saxlanılıb.

Narkotik vasitələrin qanunsuz dövriyyəsi və silah-sursatın saxlanılması ilə bağlı 38 fakt qeydə alınarkən, şübhəli bilinən 72 şəxs tutulub. Eyni zamanda, paytaxt və regionlarda dələduzluq əməllərinə görə axtarılan 13 nəfər istintaq orqanlarına təhvil verilib. Polis əməkdaşlarının peşəkarlığı sayəsində itkin düşmüş kimi qeydiyyata alınan 6 sakinin də yeri müəyyən edilərək ailələrinə məlumat verilib. Hazırda bütün faktlar üzrə araşdırmalar davam etdirilir.