Dövlət İmtahan Mərkəzi (DİM) ali təhsil müəssisələrinin magistraturalarına mayın 17-də keçirilmiş qəbul imtahanının qapalı və kodlaşdırıla bilən açıq tipli tapşırıqlar üzrə nəticələrini elan edib.

Postxronika.az xəbər verir ki, bakalavrlar imtahan nəticələrini qurumun rəsmi internet səhifəsi ilə yanaşı, mobil operatorlar vasitəsilə "iş nömrəsi"ni 7727-yə göndərməklə də öyrənə bilərlər. İştirakçıların test mərhələsində ən çox 95 bal toplamaq imkanı var idi, xarici dil fənni üzrə yazılan esse tapşırıqları isə maksimum 5 balla qiymətləndiriləcək. Yekun imtahan göstəriciləri sözügedən esse yazıları tam yoxlanıldıqdan sonra, növbəti 6 həftə ərzində ictimaiyyətə təqdim olunacaq. Qeyd edək ki, imtahan iştirakçılarının iddialarına baxacaq apellyasiya müraciətlərinin qəbuluna yalnız ümumi yekun ballar elan edildikdən sonra şərait yaradılacaq.