Həftəsonu günlərində paytaxt ilə bölgələr arasında nəqliyyatın hərəkət intensivliyinin yüksəlməsi və avtomagistrallarda yaranan sıxlıq yol-nəqliyyat hadisələrinin baş vermə riskini əhəmiyyətli dərəcədə artırır.

Postxronika.az xəbər verir ki, Daxili İşlər Nazirliyinin Baş Dövlət Yol Polisi İdarəsi hərəkətin təhlükəsizliyini təmin etmək məqsədilə respublika ərazisində nəzarət-profilaktik tədbirləri daha da gücləndirib. Qurum sürücülərə müraciət edərək səfərə çıxmazdan əvvəl nəqliyyat vasitələrinin texniki sazlığını mütləq yoxlamağı və yağmurlu hava şəraitini nəzərə almağı tövsiyə edib. Eyni zamanda uzaq məsafəli yollarda sürət həddinə, ötmə qaydalarına ciddi riayət olunması, yorğun və yuxusuz halda sükan arxasına əyləşilməməsi vurğulanıb. Rəsmi məlumatda yolda intizam və məsuliyyətin hər bir hərəkət iştirakçısının təhlükəsizliyinin əsas təminatı olduğu xatırladılıb.