İyun ayı ərzində respublikanın müxtəlif şəhər və rayonlarında vətəndaşlara Səyyar ASAN xidmət göstəriləcək.
Postxronika.az xəbər verir ki, xidmətin coğrafiyası və müddətləri regionlar üzrə müəyyən edilib.
Məlumata görə, 2-25 iyun tarixlərində Daşkəsən, Şabran, Hacıqabul, Astara, Tərtər, Ağsu, Yevlax və Xırdalanda vətəndaşlar səyyar xidmətlərdən yararlana biləcəklər. Mərdəkan qəsəbəsində isə xidmət 16-25 iyun tarixlərini əhatə edəcək.
Səyyar ASAN xidmət avtobusları ümumi qaydaya əsasən həftə içi 5 gün saat 10:00-dan 17:00-dək fəaliyyət göstərir. İstisna olaraq, yalnız Ağsu rayonunda fəaliyyət göstərən xidmət avtobusunun iş qrafiki saat 11:00-dan 17:00-dək nəzərdə tutulub.
Vətəndaşlar göstərilən xidmətlər, tələb olunan sənədlər və dəqiq dayanacaq nöqtələri barədə ətraflı məlumat əldə etmək üçün ASAN xidmətin "108" Çağrı mərkəzinə (daxili nömrə 3 yığmaqla) müraciət edə bilərlər.