Daxili İşlər Nazirliyinin əməkdaşları tərəfindən vətəndaşların təhlükəsizliyinin təmin edilməsi və gələcəkdə baş verə biləcək cinayət hadisələrinin qarşısının alınması məqsədilə qanunsuz saxlanılan odlu silah-sursatların yığılması istiqamətində əməliyyat-profilaktik tədbirlər uğurla davam etdirilir.

Postxronika.az DİN-in mətbuat xidmətinə istinadən xəbər verir ki, iyunun 16-da polis əməkdaşlarının paytaxt Bakı və respublikanın ayrı-ayrı rayonlarında keçirdikləri operativ əməliyyatlar nəticəsində xeyli sayda qanunsuz döyüş silahı və sursat aşkarlanıb.

Aparılan tədbirlər zamanı qanunsuz dövriyyədən bütövlükdə aşağıdakı silah-sursat növü çıxarılaraq götürülüb:

2 ədəd pulemyot;

4 ədəd avtomat silah;

1 ədəd tapança;

7 ədəd müxtəlif növ tüfəng;

7 ədəd patron darağı;

213 ədəd müxtəlif çaplı döyüş patronu.

Hüquq-mühafizə orqanları tərəfindən qanunsuz saxlanılan odlu silahların aşkarlanması, habelə vətəndaşlar tərəfindən könüllü təhvil verilməsi istiqamətində kəsərli mübarizə tədbirləri aramsız olaraq davam etdirilir.