Fransa Xarici İşlər Nazirliyi şənbə günü Parisdə keçirilməsi planlaşdırılan İran müxalifətinin mitinqinin qadağan olunmasını tələb etməsi barədə iddiaları qəti şəkildə rədd edib.

​Postxronika.az xəbər verir ki, mərkəzi Parisdə yerləşən İran Milli Müqavimət Şurası (NCRI) Paris polisinin onların mitinqini son anda qadağan etdiyini bildirib. Təşkilat bu qərarı Fransa xarici işlər naziri Jan-Noel Barro ilə iranlı həmkarı Abbas Araqçı arasında baş tutan telefon danışığı ilə əlaqələndirib.

​Fransa Xarici İşlər Nazirliyinin məsələ ilə bağlı yaydığı rəsmi bəyanatda isə bu iddiaların tamamilə əsassız olduğu vurğulanıb: "Bu iddia yalandır. Nazir telefon danışığı zamanı sözügedən etiraz aksiyası barədə heç bir fikir bildirməyib və onun ləğvini tələb etməyib".