ABŞ Venesuela hakimiyyətini qalan siyasi məhbusları azad etməyə çağırıb

ABŞ Venesuelanı bu Cənubi Amerika ölkəsində həbsdə saxlanılan qalan siyasi məhbusları dərhal azadlığa buraxmağa çağırıb. Keçən il Karakasda keçirilən hərbi əməliyyat nəticəsində Nikolas Maduronun saxlanılmasından sonra 1000-dən çox şəxs azad edilsə də, hüquq müdafiəçiləri 322 nəfərin hələ də məhbus olduğunu bildirirlər. ABŞ Dövlət katibi Marko Rubio venesuelalı həmkarı Oliver Blanko ilə görüşərək həmin şəxslərin buraxılmasını və ölkədə ədalətli seçki islahatlarının aparılmasını tələb edib.

Postxronika.az BBC istinadən xəbər verir ki, siyasi məhbusların azad olunması müxalifət lideri Mariya Korina Maçadonun da əsas tələbləri sırasındadır. 2025-ci ildə Nobel Sülh Mükafatına layiq görülən Maçado bir illik sürgündən sonra oktyabrın 25-də Vətənə qayıdaraq ilk görüşlərini həbsdəki şəxslərin yaxınları ilə keçirib. Bu addım ölkədə demokratik dəyişikliklərin və siyasi dialoqun yenidən canlanması baxımından mühüm göstərici sayılır.

Venesuelada siyasi məhbusların tamamilə azad edilməsi milli barışığın və sabitliyin bərpası üçün vacib şəərtdir. Beynəlxalq ictimaiyyətin və ABŞ-ın bu məsələdə nümayiş etdirdiyi qətiyyət ölkədə hüququn üstünlüyünün təmin olunmasını sürətləndirir. Şəffaf seçki mühitinin yaradılması daxili siyasi böhranın aradan qaldırılmasına və dövlətin yeni inkişaf mərhələsinə qədəm qoymasına zəmin hazırlayır.