James Webb-dən möhtəşəm kəşf: Atmosferi kosmosun dərinliklərinə sızan nəhəng planet

Ceyms Webb Kosmik Teleskopu tərəfindən aparılan son müşahidələr nəticəsində "isti Yupiter" sinfinə aid WASP-121b öteplanetinin atmosferini itirdiyi müəyyən edilmişdir.

Postxronika.az xəbər verir ki, Cenevrə və Monreal universitetlərinin astronomları bu kosmik obyektin arxasında nəhəng helium quyruqları buraxdığını aşkar ediblər.

Öz ulduzuna hədsiz yaxın olan bu göy cismi intensiv radiasiya səbəbindən minlərlə dərəcəyə qədər qızaraq daxilindəki qazları sürətlə ətrafa yayır.

Tədqiqatçılar planetin ətrafında orbitinin 60 faizini örtən və planet diametrindən 100 dəfə uzun olan iki nəhəng qaz axını saptayıblar. Ulduz küləkləri tərəfindən geriyə itələnən və cazibə qüvvəsi ilə önə doğru çəkilən bu qoşa quyruq strukturu mövcud elmi simulyasiyaların izah edə bilmədiyi dərəcədə mürəkkəbdir.

Bu unikal tapıntı uzaq dünyaların zamanla necə formalaşdığını və atmosferlərini itirərək hansı transformasiyalara uğradığını anlamaq üçün inqilabi addım hesab olunur.