ADY və Gürcüstan Dəmir Yollarının rəhbərliyi dəmir yolu daşımalarının operativ təşkili üzrə görülən işlərlə tanış olub
RH
Azərbaycan Dəmir Yollarının (ADY) sədri Rövşən Rüstəmovun rəhbərlik etdiyi nümayəndə heyəti Böyük Kəsik, Qardabani və Tbilisi stansiyalarına səfər edib. Görüş zamanı iki ölkə arasında dəmir yolu daşımalarının daha operativ təşkili və sərhəd-keçid proseslərinin sürətləndirilməsi sahəsində əməkdaşlığın genişləndirilməsi barədə fikir mübadiləsi aparılıb.
Postxronika.az Azərbaycan Dəmir Yolları (ADY) istinadən xəbər verir ki, tərəflər stansiyalarda qatarların qəbulu, emalı və yola salınması mexanizmlərini, eləcə də mövcud infrastrukturun imkanlarını nəzərdən keçiriblər. Müzakirələrdə əsas diqqət Azərbaycan–Gürcüstan sərhədində yük və sərnişin qatarlarının keçid müddətinin azaldılması məsələsinə yönəldilib.
Bundan əlavə, sərhəd və gömrük nəzarəti prosedurlarının optimallaşdırılması istiqamətində atılacaq addımlar dəyərləndirilib. Həmçinin heyətlərin hərəkətində fasiləsizliyin təmin edilməsi və yarana biləcək vaxt itkilərinin aradan qaldırılması üzrə konkret tədbirlər müzakirə olunub.