Azərbaycanda Zəfər Günü böyük fərəh və qürur hissi ilə qeyd olunur
RH
8 Noyabr tarixi Azərbaycan xalqının illərlə qəlbində daşıdığı torpaq həsrətinə son qoyan möhtəşəm Zəfər Günü kimi ölkə təqvimində xüsusi yer tutur. 2020-ci ildə 44 gün davam edən əks-hücum əməliyyatları çərçivəsində rəşadətli ordunun Şuşa şəhərini işğaldan azad etməsi müharibənin taleyini həlledici şəkildə dəyişib. Bu parlaq qələbə xalqın sarsılmaz iradəsinin və dövlət rəhbərliyinin həyata keçirdiyi qətiyyətli siyasi kursun məntiqi bəhrəsidir.
Postxronika.az Baku.ws istinadən xəbər verir ki, qazanılan tarixi uğur 2023-cü ilin sentyabrında ölkənin suverenliyinin tam bərpa olunması ilə yekunlaşaraq Cənubi Qafqazda yeni geosiyasi reallıqlar formalaşdırıb. Şanlı Zəfər 1918-ci ildən başlayan milli azadlıq mübarizəsinin zirvəsi olmaqla yanaşı, regionda sülh və əməkdaşlıq üçün möhkəm təməl yaradıb. Bu tarixi tarix gələcək nəsillər üçün vətənpərvərlik məktəbi və milli yaddaşın əbədi qürur mənbəyinə çevrilib.
Tarixi ədalətin bərqərar olması ölkənin beynəlxalq müstəvidəki nüfuzunu kəskin şəkildə artıraraq milli həmrəyliyi daha da gücləndirir. Azad edilmiş ərazilərdə sürətlə aparılan bərpa işləri regionun sosial-iqtisadi inkişafına böyük təkan verir. Qazanılan bu böyük zəfər Azərbaycan dövlətçilik tarixinin en parlaq səhifələrindən biridir.