Belgorod vilayətində Ukrayna dronlarının hücumu nəticəsində qadın ölüb, kişi yaralanıb
NQ
Ukrayna Silahlı Qüvvələrinin Rusiyanın Belgorod vilayətinə FPV dronları ilə hücumları nəticəsində bir qadın həlak olub, bir kişi yaralanıb.
Postxronika.az TASS-a istinadən xəbər verir ki, Şebekino rayonunun Voznesenovka kəndində dron hücumu nəticəsində ağır yaralanan qadın hadisə yerində ölüb. Belgorod rayonunun Soloxi kəndində yük maşınına dronun zərbə endirməsi nəticəsində isə kişi qolundan qəlpə yarası alıb və Belgorod şəhər 2 saylı xəstəxanasına çatdırılıb.
Həmçinin Oktyabrski kəndində mikroavtobus, Şebekino rayonunda bir neçə avtomobil, fərdi yaşayış evi, çoxmənzilli binanın mənzili və infrastruktura aid obyektlər zərər görüb. Bir sıra yaşayış məntəqələrində elektrik enerjisinin verilişi müvəqqəti olaraq dayandırılıb.
Belgorod şəhərində isə dronun dayanacaqda partlaması nəticəsində avtomobil yanıb, daha üç avtomobil və dörd avtobus zədələnib.