Prezident İlham Əliyev Dublində Ukrayna Prezidenti Volodimir Zelenski ilə görüşüb
RH
“Avropa Siyasi Birliyi”nin 9-cu Zirvə Toplantısında iştirak etmək üçün İrlandiyada səfərdə olan Azərbaycan Respublikasının Prezidenti İlham Əliyev noyabrın 12-də Dublində Ukrayna Prezidenti Volodimir Zelenski ilə görüşüb. Ukrayna dövlətinin başçısı Azərbaycan liderini Zəfər Günü və Konstitusiya Günü münasibətilə təbrik edib, həmçinin Bakıya əvvəlki səfərini və aparılan müzakirələri məmnunluqla xatırlayıb. Görüş zamanı tərəflər ölkələr arasında iqtisadi-ticari münasibətlərin, özəl sektor xətti ilə əməkdaşlığın perspektivlərini və nümayəndə heyətlərinin qarşılıqlı səfərlərini nəzərdən keçiriblər.
Postxronika.az Preizdent.az istinadən xəbər verir ki, Volodimir Zelenski rəsmi Bakının Ukraynaya göstərdiyi humanitar yardımlara, xüsusilə elektrik avadanlıqlarının təchizatındakı dəstəyə görə minnətdarlığını ifadə edib. Söhbət əsnasında Azərbaycanın Qarabağ və Şərqi Zəngəzurda həyata keçirdiyi genişmiqyaslı bərpa-quruculuq təcrübəsinin Ukrayna üçün də böyük əhəmiyyət daşıdığı vurğulanıb. Dövlət başçıları ikitərəfli gündəlikdə duran və qarşılıqlı maraq doğuran digər aktual məsələlər ətrafında da geniş fikir mübadiləsi aparıblar.
Beynəlxalq sammitlər çərçivəsində reallaşan bu cür yüksəksəviyyəli təmaslar dövlətlərarası strateji tərəfdaşlığın daha da möhkəmlənməsinə xidmət edir. Azərbaycanın postmünaqişə dövründə əldə etdiyi uğurlu bərpa modeli və humanitar təşəbbüsləri beynəlxalq müstəvidə etibarlı tərəfdaş imicini gücləndirir. İqtisadi və ticari əlaqələrin genişləndirilməsi isə hər iki ölkənin uzunmüddətli inkişaf maraqlarına tam cavab verir.